NeuroKlinik-ը Հայաստանում առաջին պրեմիում նյարդաբանական կենտրոնն է՝ ստեղծված գերմանական բժշկական չափանիշներով։ Կլինիկայի բուժանձնակազմը համալրում են  Գերմանիայից ժամանած առաջատար մասնագետներ և տեղական բարձրակարգ բժիշկներ, ովքեր իրականացնում են լիարժքեք և ճշգրիտ ախտորոշում, անհատական խորհրդատվություն և արդյունավետ բուժում՝ համատեղելով բժշկական հարուստ գիտելիքները, մարդկային ջերմ վերաբերմունքը և հանգիստ, վստահություն ներշնչող մթնոլորտը։

Մեր ծառայությունները նախատեսված են այն այցելուների համար, ովքեր գնահատում են սեփական առողջությունը, ծառայությունների մատուցման բարձր որակը, գիտելիքը և անհատական մոտեցումը յուրաքանչյուր բուժառուին։ Մենք սպասարկում ենք նյարդաբանական խնդիրներով մեծահասակներին, ինչպես նաև բոլոր նրանց, ովքեր կարևորում են կանխարգելիչ զննումը և ցանկանում ստանալ մասնագիտական երկրորդ կարծիք։

NeuroKlinik-ի բժիշկները մասնագիտացած են նյարդաբանական և հոգեբանական տարբեր հիվանդությունների կանխարգելման, ախտորոշման և բուժման ոլորտներում, այդ թվում՝

Նյարդաբանական հիվանդություններ

• Գլխուղեղի կաթվածների կանխարգելում, պատճառների բացահայտում և հետինսուլտային վերականգնողական բուժում
• Գլխացավեր և միգրեններ
• Գլխապտույտներ և հավասարակշռության խանգարումներ
• Էպիլեպսիա
• Ցրված սկլերոզ և նյարդային համակարգի այլ քրոնիկ բորբոքային հիվանդություններ
• Նեյրոբորելիոզ և նյարդային համակարգի ինֆեկցիոն հիվանդություններ
• Պարկինսոնի հիվանդություն և շարժողական խանգարումներ
• Հիշողության խանգարումներ և դեմենցիաներ
• Սուր և քրոնիկ ցավային համախտանիշներ (գլխացավեր, ծայրամասային նյարդերի վնասումներ)
• Մենինգիտ և էնցեֆալիտ
• Ծայրամասային նյարդային համակարգի ախտահարումներ
• Մկանային հիվանդություններ
• Նյարդային համակարգի ուռուցքային հիվանդությունների ախտորոշում և բուժում
• Ողնաշարի և ողնուղեղի ախտաբանական պրոցեսներ
• Գանգուղեղային փակ վնասվածքներ

Հոգեբանական և հոգեբուժական խանգարումներ

• Դեպրեսիա
• Տագնապային խանգարումներ
• Հետտրավմատիկ սթրեսային խանգարումներ (PTSD)
• Քնի խանգարումներ
• Վարքային խանգարումներ

NeuroKlinik-ում առաջին այցի ընթացքում իրականացվում է խորհրդատվություն, ինչպես նաև դրվում է առողջության վերականգնման վստահ հիմքը։ Մեր մասնագետներն ապահովում են համապարփակ և անհատական մոտեցում։ Այցը ներառում է բժշկական պատմության մանրամասն ուսումնասիրություն, նյարդաբանական մանրակրկիտ զննում, անհրաժեշտության դեպքում՝ լրացուցիչ գործիքային կամ լաբորատոր հետազոտությունների պլանավորում։ 

Մեր մասնագետները ժամանակ կտրամադրեն ձեր բոլոր գանգատների, նախորդ բուժման պատմության և հնարավոր ռիսկերի գնահատմանը՝ իրականացնելով ճշգրիտ ախտորոշում և անհատական բուժման պլան։ Անհրաժեշտության դեպքում առաջին իսկ այցի ընթացքում կարող է հրավիրվել կոնսիլյում՝ բազմամասնագիտական քննարկման ձևաչափով։

NeuroKlinik-ը առաջարկում է գերմանական գերժամանակակից սարքավորումներով իրականացվող մի շարք բարձրակարգ ախտորոշիչ հետազոտություններ՝ ներառյալ․

Նյարդաբանական գործիքային հետազոտություններ

• Գլխուղեղի անոթների դուպլեքս սոնոգրաֆիա (էքստրակրանիալ, ինտրակրանիալ և տրանսնուխալ հետազոտություններ)
• Պերիֆերիկ նյարդերի սոնոգրաֆիա
• Էլեկտրոէնցեֆալոգրաֆիա (ԷԷԳ)
• Հարուցված պոտենցիալների հետազոտություններ (սոմատոսենսոր, տեսողական և լսողական)
• Շարժողական հարուցված պոտենցիալներ
• Էլեկտրոնեյրոգրաֆիա
• Էլեկտրոմիոգրաֆիա (ԷՄԳ)

Վեգետատիվ նյարդային համակարգի ախտորոշում

• Շելոնգ թեստ
• Սրտի հաճախականության շեղումների վերլուծություն
• Սիմպաթիկ մաշկի արձագանքի գնահատում (Sympathetic Skin Response)

Հատուկ ախտորոշիչ թեստեր

• Կլման ակտի էնդոսկոպիկ գնահատում 
• Նեյրոպսիխոլոգիական թեստավորում
• Գոտկային (լյումբալ) պունկցիա

Սրտային ախտորոշում

• Էխոսրտագրություն 
• Էլեկտրոկարդիոգրամմա 
• 24-ժամյա ԷՍԳ կամ Հոլտեր-մոնիթորինգ
• 24-ժամյա զարկերակային ճնշման մոնիթորինգ

Ընդհանուր սոնոգրաֆիկ (Ուլտրաձայնային) հետազոտություններ

• Ընդհանուր սոնոգրաֆիա ներքին օրգանների վիճակի գնահատման համար

Այո՛։ NeuroKlinik-ում մենք առաջարկում ենք հստակ ձևակերպված ախտորոշիչ փաթեթներ, որոնք ներառում են խորհրդատվություն, բոլոր անհրաժեշտ հետազոտությունները և հստակ ներկայացված գներ։
Փաթեթները նախատեսված են տարբեր նյարդաբանական խնդիրների արագ և արդյունավետ գնահատման համար։

Առկա են նաև

• Գլխացավի ախտորոշիչ փաթեթ
• Ցրված սկլերոզ ախտորոշմամբ բուժառուների հսկողության փաթեթ
• Էպիլեպսիայով պացիենտների հսկողություն փաթեթ
• Գլխապտույտներ և հավասարակշռության խանգարումների ախտորոշման փաթեթ
• Նյարդաբանական կանխարգելիչ զննում

Փաթեթները կազմված են հաշվի առնելով բուժառուների պահանջները՝ կարևորելով՝ մրցունակ պայմանները, պարզ և թափանցիկ գնային քաղաքականությունը։

Այո, NeuroKlinik-ը համագործակցում է առողջապահության ապահովագրություն իրականացնող ընկերությունների հետ։ Դուք կարող եք օգտվել մեր կլինիկայի գրեթե բոլոր հետազոտություններից և բուժական ծառայություններից։

NeuroKlinik-ում հաճախորդներին սպասարկում են Գերմանիայում որակավորում ստացած, երկարամյա մասնագիտական փորձառությամբ առաջատար մասնագետներ։ Նրանք իրականացնում են միջազգային մակարդակի խորհրդատվություն, ճշգրիտ ախտորոշում և արդյունավետ բուժում՝ առանց Հայաստանից մեկնելու։ Մեր խորհրդատվությունների և եզրակացությունների մեծ մասը կատարվում է Գերմանիայում լիցենզավորված նյարդաբանների կողմից՝ տեղում կամ հեռավար համագործակցության շրջանակում:  
Կլինիկայի բազմալեզու, փորձառու թիմը կուղեկցի Ձեզ բուժման ամբողջ ընթացքում՝ ապահովելով անհատական մոտեցում և շարունակական աջակցություն։

Հերթագրվելու համար կարող եք զանգահարել 011 56 56 56 հեռախոսահամարով, WhatsApp-ով կամ կապ հաստատել մեր կայքի միջոցով։ Մեր թիմը սիրով կօգնի Ձեզ ընտրել համապատասխան մասնագետ կամ ծառայության փաթեթ՝ ապահովելով արագ և հարմար հերթագրման գործընթաց։

Սովորաբար այցելության ժամադրությունը տրվում է 1–2 շաբաթվա ընթացքում։ Սակայն, եթե ունեք սրացած կամ անհետաձգելի գանգատներ, խնդրում ենք անհապաղ կապ հաստատել մեզ հետ։ Կախված իրավիճակի հրատապությունից՝ մենք կփորձենք այց կազմակերպել ավելի վաղ: